الرئيسية الألعاب التَسجيل القوانين إتصل بَنا Twitter Facebook
 
العودة   منتديات شمواه|SHAMOA FORUM ® > ،، || .. مطبخ وَ مائدة شمواه .. || ،، > حلويات | Desserts & Sweets

الملاحظات

حلويات | Desserts & Sweets حلويات السفره .. حلويات القهوه .. الحلى البارد .. الكيك .. الجاتوهات .. البار سويتز .. إلخ



إضافة رد
 
أدوات الموضوع
قديم 12-11-2011   #1

مرايم ~
« مُشرفة عطورها bath & body " »
« مُشرفة Desserts & Sweets »
 

thnx Rock <3
 
الصورة الرمزية مرايم ~

مرايم ~ غير متواجد حالياً

 رقم العضوية : 27180
 تاريخ التسجيل : 06 2010
 العمر : 23
 الجنس : sex
 المشاركات : 1,752
 تقييمك لشمواهـ : 1
  الشعبيه : مرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـ
 النقاط : 191814
 مجموع الاوسمة 8

فعالية اليوميات الرمضانيه| Ramadan Diary 2012 

Ico2 ضيافة العيد .. ووصفتين من ألذ الوصفات // كب كيك الفستق وتارت الفواكه وأروع من المطاعم











يااااااامسآآآء الروووقااان والجوو الحلو ,, يااامسأأأأء أحلى حيااه


مروووقة مروووقة مروووقة حييل ,, يمكن من الجو الله أعلم
{عاد بعض الناس يقولون الجو فجدة كلش مو شي ,, عشان هالشكل اوصل لهم سلامي واقول لهم حرررره }


كل عام وأنتوآ بألف خير , وصحة وسلآآمة يارب العالمين ~

معلية الموضوع جاي شوي متأخر ,, بس لظروف العيد والروحة والرده ..~


بذذذمتكم بذذمتكم أبي أسال سؤال واااحد بس وجاوبوني بصراحة ,
هو انا الوحيده اللي يحكمون علي من شكلي ولا يصيدكم مثل الشي


سلمكم الله اللي يشوفني من جيران وأقارب وما حوله ويشوفون طبخي يقولون وااااااو موو معقولة تعرفين تطبخين ؟!!
لييش مكتوب على جبهتي مثلا ,, ولا هو قبل لا الوحده تتعلم الطبخ يجيها ساحر الطبخ ويقول لها لا والله انتي شكلج ما ينفع طبااخه


لا تقولون لي عشاني صغيرة ,, لا والله ,, انا بقول لكم لييش

لأني بنت اهتم بنفسي ,

لا تطالعون هالشكل والله العضيم أنهم حاطين ببالهم أن ما يلتقي الكشخه بالطبخ

يعني شاسوي اذا أنا هوايتي الطبخ !!
شسوي اذا البنات الي حولي ما يعرفون يسلقون بيضة ,, شسوي


وبناات المنتدى تعرفوا على على أساس أني ما أعرف أسوي شي بالحياه الا الطبخ
طييب ليش ؟؟

لما يشوفوني فقسم لمسة سحر اكتب رد ولا شي
تجيني تقييمات بالهبل ,, اوووووه ما تووقعنااج تفهمين فهالامور

خيير خييير ماانا بنت حالي حالكم
لي اهتمامات عده ,,

اااه الحين ارتححت ,,


,,..’’




طيب بعد القرقر الطويل العريض نرجع لموضوعنا


الله يسلمكم ويبقيكم , انا يوم العيد الصبح اعيد فبيتين بس

بيت ديدة بابا ,, وبيت ديدة ماما ,, عاد افهموها انتوا ,, بيوت جداتي بس

ومرات لما احس انه لي خلق اخذ منهم الصواني واسوي لهم كمن سويت عن العين والخاطر ..~
فهالعيد حسيت اني ما عندي شي ليلة العيد وقلت لمرت عمي تخلي لي صينيتين

وفرفرت في الريسبي بوك تبعي وقررت اسوي صينية كب كيك بالفستق وصينية تارت شوكلت وفراولة


اول شي حابة اقول لكم ان هالوصفتين مو اول مرة اسويهم , مسويتهم الف مرة من قبل
يعني انا متاكده من الطعم ,, فبلييز لا تروح وحده تجرب وصفة جديدة قبل عزيمة ولا يوم مهم مثل العيد ,,~


وااهم شي ابي انبه علية اني مااارضى الا بالالذ ,, والالذ والالذ ,,
يعني يستحييل اني ارضى بوصفة طعمها حتى 99 %
داايما ابحث عن الافضل ,, وحلويااتي وبكل توااضع اقول انها احلى من حلويات المطاعم بمية مرة

والله العضيم اني من كم يوم شريت ستروبري تارت من البتيل ,, كان خاطري فيها ومالي حيل اطبخ
الله يعز النعمه بس ااابداا مالها طعم ,, الفراولة تقولين طعم بلاااستيك { مجربتة وانا صغيرة }
والكريم باستري يااا الله مااالهاا اي نكهة ولا حلاة ,, والبسكوت اعوذ بالله ترااب ,,~


تدرون ليش ؟؟!

لانهم ماديين وهمهم فالربح والبيع مو في جودة الأكل ,, والنااس يا الله هاتك يا شرا
صار ما فيه اي تذوق ,, الناس صار يمشي معاهم اي شي واي طعم
عشان هالشكل ابل بيز وفرايديز زحمة طول السنة ,, وربي مااادري الناس وين راح حسها للتذوق


المهم يا الله نبدا طبختنا الاولى يا حلوين فالرد الجاي ,~


.



.







  رد مع اقتباس
قديم 12-11-2011   #2

مرايم ~
« مُشرفة عطورها bath & body " »
« مُشرفة Desserts & Sweets »
 

thnx Rock <3
 
الصورة الرمزية مرايم ~

مرايم ~ غير متواجد حالياً

 رقم العضوية : 27180
 تاريخ التسجيل : 06 2010
 العمر : 23
 الجنس : sex
 المشاركات : 1,752
 تقييمك لشمواهـ : 1
  الشعبيه : مرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـ
 النقاط : 191814
 مجموع الاوسمة 8

فعالية اليوميات الرمضانيه| Ramadan Diary 2012 

Icon15 ضيافة العيد .. ووصفتين من ألذ الوصفات // كب كيك الفستق وتارت الفواكه وأروع من المطاعم





pistashio cupcake with rose water cream chesse

كب كيك الفستق بكريمة الجبن وماي الورد ..~


اطول اسم فالحياه لوول ,, كنت بكمل بس قلت حرام ,~



* المقادير :



_ م ص فانليا سائلة + 3 بيض متوسط الحجم + 2م ص هيل مطحون



_ 1 وربع كوب طحين جميع الاستعمالات { يقاس بعد النخل }



_ 3/4 كوب سكر ~



_ 2 م ص بيكنج باودر ~
_ 3/4 كوب فستق مطحون ~
_3/4 كوب حليب طازج ~
_ رشة ملح ~




_ نصف كوب زيت نباتي ~


بالنسبة للصور لا تعبر عن المقادير بالضبط
كل المقادير معيااارية بالاكواب والمعالق , وما انصح بغير ذلك

{ بجد يررتفع ضغطي لما تيجي وحده وترز وصفة بقياس كوب الجبن ,, عسا مااشر
ويعني اذا ما عندي منه من وين اجيب ,, خصووصا الحلويات المقادير فيها كثير حساسة }

كل المقادير بحرارة الغرفة .. الحليب , البيض , كله بحرارة الغرفة
اذا كنتي مستعجلة ممكن تحطين البيض بصحن عميق وماي دافي ~

* كل الاكواب المعيارية والملاعق تمسح بطرف سطين مستقيم



* الفانليا اللي استخدمتها هنية جودتها عادية
لان وضيفتها فقط تنكية البيض ومالها اي اثر فالوصفة ,~


,.’


الطريقة :


قبل لا اقول لكم الطريقة بالتفصيل الاملل من الممل ,,
حابة انبه على شغلة


داااايما سر طبخاتي وطعمها القوي والغني هو اهتمااامي بادق التفاصيل

الوصفة هذي معاي من زمان حييل ,, يمكن هذي من اول الكيكات اللي سويتها
وطبعا قبل كان لا فيه اهتمام بالاكواب المعيارية ولا لاي اساس من اسس طبخ الكيك وخلطة

كانت الطريقة حطي كل شي على بعض في خلاط العصير واخلطي وخلصنا تخييلوا ..!!~

في خلاط العصيير !!؟ والله من جدها ~
لهالدرجة الطبخ صاير عبط ولعب > تداافع عن الطبخ

لا بجد انا ما احب الشغل الخرابيط خرابيط هذا ,, قال رسول الله صلى الله عليه وسلم ( من عمل منكم عملا فليتقنه).

المهم اني اشتغلت شوي عالوصفة وطورتها شويات عشان تكون شي الواحد يشرفة يقدمة لظيوفه
ومو بس لظيوفة ,, حتى لنفسة ولعايلته ~

اول واهم اهم اهم اهم اهم شي وأأكد علية جووودة المواد المستخدمة
تبين أكلج مثل المطاعم ولا لا ؟ تبين حلوياتج يكون طعمها ياااخذ العقل ولا لا ؟!!~

اذا لاازم تركزين عالجودة >> على أساس أحد قال لها أيوه ,,~

شلون يعني أركز عالجودة ,؟

الحين مثلا شنو هو المكون الاساسي فالطبخة اللي يعتمد عليها الطعم كله ؟

في حالتنا احنا الفستق هو الاساس ,, عشان هالشكل اهتم بنوعيته 100 مرة اكثر من اي شي ثاني

الفستق اللي اشترية من كارفور ,, اللي يبيعونه بالكيلوات والغرامات ,, عاد ما ادري شسمه
المهم انه مو من اللي يجي اوردي مقرطص ~

الكيلو تقريبا ب58 ريال ,, انا ما اخذ كيلو اخاف يخرب قبل لا اخلصه
مع اني استهلك المكسرات فحلوياتي كثير ,,

اشتريه ونفس اليوم احفظه في علبة بلاستيك واحكم اغلاقه وادخله البراد ,~


* طيب اول شي ننقي الفستق من اي شوائب او من اي قشور او حبات يكون شكلها جاف او غلط
{ بما ان نوعية الفستق اللي شريتها جيده , فبالعافية حصلت كم حبه ما عجبوني
وما حصلت اي شوائب ولا اي قشور }



* بعد ما تاكدت من نضافته ,, أحطه على مشخال ,, واشخله عشان يطلع كل الغبرة
طبعا هاي مو غبرة تراب ,, هاي غبرة القشور نفسها ,,
وبعد كيذا احمصها عالخفيف فالمقلاة ,, عالخفيف معناه بس ادفي الفستقق

مثل اللي اخلية شوي يمييل لانه يفرز زيوته ,, لكن ما يتغير لونه ابد ,, خللي عييونج علييه ~




* سيده على طول على مطحنة المكسرات ,, ببيتنا ماما مخصصة مطحنة للمكسرات ,, ومطحنة للبهارات
عشان الطعم ما يتأثر ,, لأن بعد الاستخدام المتكرر تلصق الريحة خصوصا الهيل ولا عاد تطلع لو شنو



أطحنيها بالخفيف عشان ما يطلع لج عجين بدال بودرة
وما فية اي مشاكل اذا كان فية حبوب صغيرة ما انطحنت ,, احب مرات يبقى مثل النقط الخفيفة فالكيكة





عالحواف بيتحول الفستق مثل العجين ,, عادي جدا ماله تأثير , فالاخير بينطحن مع كل شي ~




حاليا أحنا خلصنا من أهم شي فالوصفة هذي كلها ,,
أنا دايما أحرص على أني أحمص المكسرات بالبيت لان تعطيها طعم ااااخر
فررق فررق عن لما تتحمص قبله بيوم او قبله بساعه حتى ,,~


طيب يا حلوين نكمل ,,~


* في خلاط الكيك نظيف البيض والفانليا والسكر




* نخلط على سرعة بطيئة لمدة 3 دقايق تقريبا او لحد ما السكر يذوب ,,
الخلط الزايد بيخلي الكية تطلع يابسه , فلا تتحمسين حيل
بس يذوب السكر وستوب , السرعه تكون بطيئة يا حلوة





كيف تعرفين السكر ذاب ولا لا اذا انتي مبتدأه ,,؟ ببساطة بظهر الملعقة مرريها عالخليط
وشوفي اذا باقي ذرات سكر او لا ,,~


* بعد السكر ضيفي الزيت واخلطي خلطة سريعه ,, بس يندمج الزيت مع البيض ,,~




* أنخلي الطحين + الملح + الهيل + البيكنج باودر




* ظيفي الحليب والطحين بالتناوب ,, يعني شوي حليب واخلطي 10 ثواني , بعدها شوي طحين
واخلطي 10 ثواني .. ظيفي الطحين على 3 دفعات ,,~
خلي الاظافة الاخيرة حليب ,,



* ظيفي ملون الطعام ,, شوي بس بطرف السكين , لا تتحمسين وتحطين وايد
ترى قطره تغير اللون كله ,, أحنا نبي لون أخضر خفيف , يبين طبيعي

[/QUOTE]




الماركة اللي استخدمها هي ماركة ويلتون ,, معليش اسفة مع الزحمة
نسيت اصور العلبة

* اخر شي ضيفي الفستق واخلطي بالسباجيولا ,,
{ الملعقة السيلكون هذي افضل اختراع فالعالم , ما اعرف كيف كنت عايشة قبل من دونها
جد صرت مااعرف اطبخ اي شي من دونها ,, واابد ما استخدم الملاعق الخشب }




الخلط يكون بنفس الأتجاه يا حلوين ,, عشان الهوا ما يطلع ~



* بكذا نكون خلصنا من خليط الكيك ,,



بقى معاي شوي من الفستق المطحون
طبعا مستحيل استخدمة مرة ثانية للكيك ,,



مرة سويت كب كيك وكنت مستعجلة حييل واستخدمت فستق طاحنته من قبل
وتحسفت حسااافة ,, الله لا يوريكم مااافية طعم
عشان هالشكل نصيحة مني أحفظوه بعلبة بلاستيك أو زجاج وأحفظوه فالثلاجة

وممكن تستخدميمه للتزين فقط ~







  رد مع اقتباس
قديم 12-11-2011   #3

مرايم ~
« مُشرفة عطورها bath & body " »
« مُشرفة Desserts & Sweets »
 

thnx Rock <3
 
الصورة الرمزية مرايم ~

مرايم ~ غير متواجد حالياً

 رقم العضوية : 27180
 تاريخ التسجيل : 06 2010
 العمر : 23
 الجنس : sex
 المشاركات : 1,752
 تقييمك لشمواهـ : 1
  الشعبيه : مرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـ
 النقاط : 191814
 مجموع الاوسمة 8

فعالية اليوميات الرمضانيه| Ramadan Diary 2012 

Icon45 ضيافة العيد .. ووصفتين من ألذ الوصفات // كب كيك الفستق وتارت الفواكه وأروع من المطاعم





نيجي لمرحلة صب الكب كيك ,, على فكرة على ان الموضوع باين انه مايبي له شرح
الا ان طريقتج فطب الكيك لها اثر كبير في الشكل النهائي ,,~

مرات يجي الكب كيك منتفخ من جهه ونازل من جهه ,, تتوقعون ليش ؟..
مو من عدم توزع الحرارة بالتساوي ,, لا ~
ممكن يكون بسبب انج صبيتي الخليط باللعقة ومش بالتساوي ,,

الطريقة الافضل والاسرع والانظف هي بالبايبنج باق ,, او كيس الحلواني ~
انا ماا استغني عنه في حلوياتي , اشتري كيس داخلة 50 حبة ب60 ريال تقريبا
ويضل معاي فترة لا باس بها ,

احلى ما فية انه للاستخدام مرة وحده فقط ,, يعني خلصي منه وعالزبالة طواالي


طيب كيف بتعبينه بخليط الكيك ..
الطريقة الاسهل واللي انا معتمدتها من زمان ,,
اجيب كوب واسع طويل وممكن يكون مخروطي وادخل فية الكيس واثني اطرافة العلوية ,,





وبعدها اصب الخليط يا باني اميل صحن الكيك بكبرة , او اذا كان قوام الكيك ثقيل بملعقة السيلكون


وبس اخلص الصب ,, ارفع اطرافة وامليهم شوي بعد واربطة من فوق ,, عادتا عندي ربطات بلاستيك
بس خلصوا من عندي ,, لكن مو مشكلة جيبي النايلون واربطي فيه




أوكيك بما ان الخليط يميل للقوام السائل فبتتلعوزين بالصب ,, وافضل طريقة وصلت لها
هي اني اقص فتحة صغييرة عشان اقدر اتحكم بالصب ,, وأنا أصب أخلي صبعي عالفتحه

اشيلها لما ابي أنزل الخليط , وارجعها لما أبي أوقفة , وأنط للي بعدوة
بهالشكل بيتوصخ صبعج شوي لكن الصحن والاكواب بيكونون نظاف ,,~



* الكب كيك جاهز للفرن ,,~
كالعادة يتسخن الفرن قبلها ب10 دقايق عالاقل
على درجة حرارة 180 c

والفرن الفرن ومااا أدراكم ما الفرن ,, يا يكون عدوج يا يكون صديقج
اهم ما في الطبخ هو الفرن ,,

مرات كثيير البنات يتحبطون على بالهم انهم ما يعرفون يضبطون طبخ الكيك
لكن يكون العكس تماما ,, الموضوع فقط انج مو عارفة تتعاملين مع الفرن

اول شي بصراحه انا عندي فرنين بالبيت فرن كهربه وهو اللي دااائما اسوي فيه الكيك والحلويات
نظرا لحسااسيتها ,, وتحتاج لفرن متسااوي الحرارة وفرن الغاز ما بيعطي نفس النتيجه

لذا اهتموا بنوعية الفرن ,, وحاليا انا بعد ناوية ابتدي زن على ابوي
عشان يجيب لي فرن مثل افران المطاعم ,, تطلع الكيك بيييرفكت ,,

والفرن الثاني عندنا بالمطبخ ورى فرن غاز ,, طبعا توزيع الحرارة خراابيط
مكان حار ومكان بارد ,, لكن عموما نستخدمه للصواني والدجاج والفطاير
وهالامور يعني ,, اي شي الا الحلويات ,,~

عشان هالشكل امي تسمي فرن الكهربه فرن مريم هههههههههههه
محد يطبخ فية الا انا ~


للاسف اني ما اقدر اعطي وقت محدد للكيكة فالفرن .. بس تقريبا بتاخذ حول ال20 دقيقة
وخلج عندها ,, الوضع ما يتحمل انج تقضين مشاوير
او تاخذين دوش ,,

احبها مو محمرة من فوق ,, مجرد احمرها من تحت وخلصنا ,, كثيير مرات اختي تشوفني مطلعه الكيكة
تقول لي لااااااا ما استوت رجعيها ,, اقول لها انتي شعرفج فالطبخ

لا احد يقول لي لا احب احمرها من فوق ,,
التحمير من فوق ينشف الكيكة غير انه يكون لها قشرة مال امها دااعي

واذا حطيتي فوقها صوص النكهه ما بتتسرب بسهولة لانه بيكون مثل الحاجز
عموما كل مطاعم الحلويات الكبيرة ما تحمر الكيك من فوق ابدا ~



وهذي هي كيكتنا الجميلة لما اطلعت من الفرن ,,~



يييممممييي ليتكم عندي تشموون الريحة ,, سووو دييلشز ~

شايفين هالانتفاخة الحلوة الخفيفة ,, ماراح تتكون لو صبيتوا الخليط بالملعقة ~



الخطوة اللي بعدها لااازم ولاا بد ووويجب وومست انج تبردين الكيكة
كييف ؟

مجرد تحطينها عى شبك مرتفع ,,
اي شي يسمح للهوا بالمرور من خلالها >> تذكرت درس الزجاج فالعلوم
لا تخافين هالشي ما بيخليها ناشفة

يعني انا اعرف وحدة من اهلي الله يهدااها بس ,, لانها تطبخ الكيك بطريقة غلط فتطلع ياابسة
فتقوم تحطها فصحن وتصكرة بقصدير على طوول عشان تكتم البخار ,, طبعا الكيكة تطلع لينه

لكن الله لا يوريكم القوام الساايح المرطب ,,

كل اللي نحتاجة نخلي الكيكة تتهوا وتاخذ نفس وتتماسك ,, وتكون تقريبا بحرارة الغرفة

تنبية : انا وسواسة لابعد درجة واخاف على حرارة الفرن ودرجة حرارة الغرفة
فاصكر مكيف المطبخ .. امووت من الحر بس شسوي اخاف عالكيك يخرب ~




بس تحسينها بردت شوي اخذيها واحفظيها فكونتينر بلاستيك او زجاج محكم الاغلاق
عشان نحفظها فالثلاجة لين اليوم اللي بعده اللي هو العيد ,,

اذا حفظتوا الكيكة بطريقة غلط ودخلتوها الثلاجة اليوم الثاني بتطلع ناشفة
يعني باختصار مااينفع الا انج تحطينها بصندوق بلاستيك محححكم الاغلاق

وطووالي عالثلاجة



ماماتي فديتها مدمنت بوكسات بلاستيك وزجاج ,, عندنا ادرااج كاملة لها من هالبوكسات
فما اعاني من هالناحية ابد ,,



الدفعه الاولى ,, واللي بعدها الدفعه الثانية ~




اوكية يا حلوين انا طبعا طابخة الكيك قبل العيد بليله ,, وهالشي مو غلط
بالعكس الكيك واحد من الاشياء اللي كل ما ضل بالثلاجة كل ما طعمه صار احلى
النكهه تطلع اقوى وتتركز .. طبعا هالكيكة حدها 3 ايام فالثلاجة وخلاص ما عاد تنأكل

مو تروحين تخمرينها فالثلاجة اسبوع , على بالج بتنتجين نكهه صاروخية ,,~


,’



اوكييك خلصنا من الكيكة نيجي للكريمة ,,~

الكريمة اللي استخدمتها هنية هي كريمة الجبن المعتادة فقط اظفت لها 2 م ك ماي زهرة البرتقال
ممكن ماي الورد ,, انا مرات أمكس عادي يعني ~

المقادير :

600 غ جبن فلادلفيا ~
200 غ زبدة لينه غير مملحة ~
كوب سكر مطحون ~
م ك فانليا سائلة ~
2 م ك ماي ورد ~
رشة ملح ~


الطريقة :

تصدقون اني ما صورت الطريقة على بالي اني منزلة طريقتها من قبل
الحين ادور فمواضيعي واكتشفت أني ما قد سويتها من قبل

معليه الموضوع ما يبي له خطوات

اول شي بالخلاط الكهربائي اخفقي السكر بالزبدة لين يصير فلافي
لا تكثرين خلط ,, مانبي هوا يدخل للكريمة كثير

بعدها ظيفي الجبن والفانليا

وطوووغغغوووووووووط > صوت الخلاط

وبعدها يا حلوين رشة الملح وماي الورد

* رشة الملح هذي حيييل مهمة ,, تبرز النكهات كلها
فدييتني اول ما بديت اتعرف عالطبخ , وشفت الملح فالسويت
قلت والله انهم مهابيل وما يعرفون شي بالطبخ > يافهييم انته ~

وحركية بالسباجيولا ,, اوكية انا بما ان عندي خدامة عبقرية
وبما ان كان وراي مية شغلة اعتمدت عليها بس في انها تخلط ومن كسلها زودت السرعه
ودخل هوا كثيير للكريمة ,, وظليت اقلبها بالملعقة حول 5 دقايق بس عشان اطلع الهوا منها

وباليااله طلع .. الهوا يا حلوين يكّون فقاعات كثييرة فالكريمة
بهالطريقة لما تجين تشكلينها عالكيكة الاشكال ما بتطلع متساوية وحلوة

المهم ,, كيذا نكون خلصنا ولكن ,, سر من اسرار نجاح الكريمة
هو انج ما تستخدمينها على طول لانها تكون فالاغلب سايحه شوي ومو متماسكة والسبب يعود للسكر

لان وضيفته مش بس التحلية ,, حتى لو تلاحضي كل ما اضفتي السكر للجبن ساح زيادة

كل الي عليج تسوينه تدخلينها الثلاجة ,,

يعني تقريبا ساعتين او 3 ,, عموما انا ما حطيت الكريمة عالكيك الا اليوم الثاني الصبح قبل لا اطرش الصواني
عشان ما تخرب فالثلاجة وعشان اقدر احفظها بطريقة صحيحة ,,~



.. خلصنا من لكريمة يا حلوين ,, فالرد اللي بعده اخر جزء من هالوصفة بس
باااقي بعد كثيير ~







  رد مع اقتباس
قديم 13-11-2011   #4

مرايم ~
« مُشرفة عطورها bath & body " »
« مُشرفة Desserts & Sweets »
 

thnx Rock <3
 
الصورة الرمزية مرايم ~

مرايم ~ غير متواجد حالياً

 رقم العضوية : 27180
 تاريخ التسجيل : 06 2010
 العمر : 23
 الجنس : sex
 المشاركات : 1,752
 تقييمك لشمواهـ : 1
  الشعبيه : مرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـ
 النقاط : 191814
 مجموع الاوسمة 8

فعالية اليوميات الرمضانيه| Ramadan Diary 2012 

Icon37 ضيافة العيد .. ووصفتين من ألذ الوصفات // كب كيك الفستق وتارت الفواكه وأروع من المطاعم








جينا لاصعب باارت بالنسبة لي ,,
على اني طويلة بال فالطبخ ودقيقة حيل ,, الا انه ما ادري شمصيبتي مع تزيين الاكل

اتوقع لاني اخذ وقت طويل فالطبخ ,, لا وبعد مع التصوير ,, اللي ياخذ ساعه اخلصة ف3 ساعات
فاكون خلاااص شبة منتهية وماعاد لي بارض بحركات التزيين وهالامور

غير انه كرهي كرهي للزينه اللي ما تناكل ,, مثل عجينة السكر ,, تعب عالفاضب بصراحة
يمكن هاي هو السبب اللي مخليني للحين ما اجربها , اللي يعز النعمه مااا تتاكل

ففكرت بطريقة ازين فيها الكب كيك ويكون شي سهل سريع وينأكل ,, مو بعد التعب كله بكل بساطة
يشيلونه من الكب كيك ويقطونه عالجنب

وخطر ببالي الكراميل

الفكرة الأولية كانت صوص كراميل خفيف أظيف له سيرب القيقب الاصلي
مثل البانكيك واحمص فية حبات فستق كاملة وارشة عالكب كيك من فوق

وطبعا بما ان الفستق هنية بيناكل داايركت فلازم يكون اجوود فستق فالبلد ,~
معليش عاد انا انسانه مهووسة بجودة الاكل ,, عاد أنتوا بكييفكم >> خافت

شريت ربع كيلو فستق بحول ال40 ريال ,, طعمة سووو ييمي ,, وقلت بخلية للكيكة من فوق بس


اللي صار اني غيرت رايي ,, لاني حسيت الكريمة اوردي حالية ,,
وجات الفكرة الاخرى الا وهي pistachio brittle


pistachio brittle


المقادير :

3 اكواب ماء
3/4 كوب سكر ابيض
فستق مفروم خشن مقدار ثلث كوب تقريبا ..~


الطريقة :

أدري حاسين ان مقدار الماي كبير عالسكر
لكن احنا مبتغانا كراميل خفييف جدا ,,

الموضوع جدا بسيط ,, بس اتبعوا كلامي بحذافيرة , وبتشوفون ان الشغله
حيل سهلة وتونس ,,~

* ذوبي السكر فالماي بمقلاة قاعدتها سميكة . على نار هادية عشان الكراميل ياخذ راحته




* بس يذوب السكر خلاص اتركي الماي ولا عاد تحركينه ابد , بتلاحظينه يفور
والماي يتبخر ,,



* بياخذ له وقت على بال ما يصير كراميل , انا خليته وقمت اجهز للحلويات الثانية
بس عيني علية ,, لما يوصل لهالمرحلة كراميل ذهبي
بس خلاص شيلية من النار لانه بيكمل يطبخ برووحة ,,~



* بتحتاجين مات سيلكون ,, ممكن تستبدلينها بورق شمع اصلي ,, مو الخرط اللي يبيعونه فالجمعيات
عموما هالمات احلى شي فالحياة بتفيدج فالبسكوت فالخبز حتى في تشكيل الشوكلت

وسعرها تقريبا 80 ريال ,,~



* فرمت الفستق فرم خشن ,, فرم خشن يفرق عن الطحن ويفرق
عن الدق بمطرقة ..

والله العضيم اني مو مرة ولا مرتين ولا ثلاث ,, اشوف الحريم لما يبون يفرمون المكسرات
يحطونها بكيس ويدقونه باي شي ,

طيب وين المشكلة ؟؟

المشكلة ان شكل المكسرات انعدم ,, بيجي مسحوووق مو مفروم


ببساطة يرحم والديكم بسكين كبير افرمي الفستق كانج تفرمين تبولة
بس لا تهرينه ,, نبيه يكون قطع حلوة مبينه





* اول شي جربت اني اصب الكراميل عالمات واوزعه باني اميل المات بيديني عشان يتوزع الكراميل
وبعدها رشيت الفستق ,,لكن اللي لاحظته ان الكراميل بسررعه برد وما مسك كل حبات الفستق




* ما عجبني الوضع وسويته مرة ثانية ,, وبالاخير قبل لا اشيله من النار صبيت علية كمية فستق
وحركته حركة سريعه وصبيته عالمات وفردتة على قدر ما اقدر ..






ليييييش حركة سريعة وانا اخلطة ,, لانه لو زودتيها السكر بيصير كرستااال وما بيكون صوص
عشان كيذا هالطريقة ما انصح فيها للمبتداأت >> ياا محترفة انتي

جد اول مرة اجرب الشغل بالكراميل بس عندي خلفية واسعه عنه تمكني من تجنب أغلب الاخطاء

خلصنا منه ,, نيجي للمقلا ,, كله كراميل وتنظيفة صعب
كل الموضوع انج تضيفين له ماي وترجعينة عالفرن يفوور وكل الكراميل بينظف بروحه




,’



طيب كيف تحفظين البيستاشيو بريتلز لين بكرة العيد ؟!!~
بعد ما برد تماااما عالمات ,
كسرتة قطع كبيرة وحطيته فكونتينر بلاستك وسييدة عالثلاجة ,,~



يمووو طعمة لذيييييذ ,, ~
كان ودي لو عندي ورد مجفف ارشه معاه كان بتطلع الالوان توووحفة ~


وخلصنا الكيكة اخيرا ,, ترى لا يغركم الشرح الطويل الموضوع ونااسة حييل ومو لهالدرجة صعب

نييجي لمرحلة التجمييع



الصبح فالعيد قمت الساعه 6 رككككض عالمطبخ ,
قبل لا ابوي يرجع من صلاة العيد وانا ما خلصت ,,

ويا الله بينا نبدا الشغل




















  رد مع اقتباس
قديم 13-11-2011   #5

مرايم ~
« مُشرفة عطورها bath & body " »
« مُشرفة Desserts & Sweets »
 

thnx Rock <3
 
الصورة الرمزية مرايم ~

مرايم ~ غير متواجد حالياً

 رقم العضوية : 27180
 تاريخ التسجيل : 06 2010
 العمر : 23
 الجنس : sex
 المشاركات : 1,752
 تقييمك لشمواهـ : 1
  الشعبيه : مرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـ
 النقاط : 191814
 مجموع الاوسمة 8

فعالية اليوميات الرمضانيه| Ramadan Diary 2012 

Icon43 رد: ظيافة العيد .. ووصفتين من ألذ الوصفات // كب كيك الفستق وتارت الفواكه وأروع من الم






ادري قلت الرد الاخير فالوصفة
بس مالي خص منتدى ارتوس ,, سئلوها ليش بس 25 صورة
ارتوس ما احب الكحل ,,




* طبعا المفروض يكون هذا هو الفن بارت بالنسبة لي
لكن كنت متدووودهه لان ابي اخلص من الكب كيك قبل لا ابوي العزيز يرجع من صلاة العيد

عشان يلحق يودي الحلويات بيت ديدة لان الضيوف يجون بدرري ,,~

وفرشت الكب كيكس كلها عالكاونتر وبديت الشغل

ثبتت التيب ( راس النجمة ) عاد ترى حييل متوهقة بالاسم .. وبديت زيط زيط زيط >> اشكل الكريمة
الشغل ما عجبني 100 % دايما اسويهم احلى من هالشكل بس لاني كنت مخترعه



* ووزعت البريتل على الكب كيك من فوق ,, ببساطة بس اكسرهم عشوائي
واغرسهم فالكريمة بخفة ..~



خليج ليدي وانتي تتعاملين مع الكراميل + يدج { لا تمسكين الكراميل وايد بصماتج بتطلع فيهم } يع ههههه



خلي المكان بااارد ,, ايس كولد بعد عشان الكراميل يا حلوة ~
وخلصنا



وكاهم الحلوين مرتزين فالصينية ينطرون الرحيل ,,~







وبعدها بابا صوت من فوق ,, مرررررررررررريييييييييييييييييم
وانا هلاااااااااا باااااباااا يا الله يا االله خللصت خخخخ

وحطيتهم له على راس الدرج وركضت فوق اتجهز ~



{ حسيت اني اغبى انسانة فهالدنيا وانا مستعجلة وواقفه فوسط الصالة اخذ صورة للصواني }











  رد مع اقتباس
قديم 14-11-2011   #6

مرايم ~
« مُشرفة عطورها bath & body " »
« مُشرفة Desserts & Sweets »
 

thnx Rock <3
 
الصورة الرمزية مرايم ~

مرايم ~ غير متواجد حالياً

 رقم العضوية : 27180
 تاريخ التسجيل : 06 2010
 العمر : 23
 الجنس : sex
 المشاركات : 1,752
 تقييمك لشمواهـ : 1
  الشعبيه : مرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـ
 النقاط : 191814
 مجموع الاوسمة 8

فعالية اليوميات الرمضانيه| Ramadan Diary 2012 

Icon51 ضيافة العيد .. ووصفتين من ألذ الوصفات // كب كيك الفستق وتارت الفواكه وأروع من المطاعم





احم عدنا من جديد ,,~



السويت الثاني اللي سويته ,, سويت اهلي حيييل يحبونه
حتى رفيجاتي ,, ازعجووني كل يووم مريوم سوي لنا تارت ,,~

بجد بجد طعمه يهببل ,, وسهل حييل ما يبي له شطارة
بس الواحد ينتبه على الاساسيات وخلصنا ,,~

وطبعا طبعا الذ من المطاعم ,, ولا قد عمري ذقت تارت احلى من اللي انا اسويها
مع اني ذايقتها فمطاعم 5 ستارز ,, مثل مطعم maza للشيف المشهور جوردن رامزي >> كم احبك يا هذا ~

وربي اني ما قدرت اكملها , كانت حييل مرّة الجوكلت والبسكوت خفييف بزيادة
غير انه مغرقينها من فوق شوكلت باودر وانا اكرهه ,,~

وذقتها بعد في محل للباستري عندنا اسمة pual ..~
اغلب حلوياته لذييذة وخاصتا الشيز كيك ويهتم بجودة الفواكة والمواد

لكن التارت مالتهم ماااتناكل ,,

أحب التارت يكون بسكويته شبه سميك .. احب احس بكمية بسكوت مع الحشوة
أحبه يكون مقرمش بس مو ناشف وتكسرينه كأنج تاكلين خشب > والله ما ذقته ~


أحبة يكون فوول اوف فليفر ... يعني فية نكهة الزبدة والسكر واضحة ,, مو تحسين انج ما تطعمين غير الحشوة ~

نيجي للحشوات ,, انا ذوقي بالشوكلت حييل صعب
مآآحب الدارك شوكلت ابدا ,, لكن مؤمنة بأهمية اضافته للشوكلت
أحب البندق مع الشوكلت بطريقة جنونية ,, أحسهم أنخلقوا لبعض

احبة كريمي يذووب ,, لكن متماسك ونكهة الحليب ظاهرة ,, لكن من دون ما يكون دسم
يغث عالواحد ,, ~ ,,,,ووياالله اترككم بروح اكل ,, جوعت من كثر ما شرحت ,,~
هون

الحشوة الثانية الا وهي الكريم باستري
اااه من الكريم باستري ,, من اشهر الكريمات لكن قلة اللي يضبطون طعمها ,,~

الكريمة هذي حتى نوعية البيض تفرق في طعمها
وأهم أهم أهم مكون فيها هو الفانليا ,,

دااائما وأبدا ما استخدم معاها الا يا الفانليا بين { اعواد الفانليا الفرش }
أو الفانليا سيرب ,, يكون فانليا مركز داخلة حبوب فانليا طازجة ,, يعني النكهه دبلين
هذا السيرب مو دايما القاه فالدوحة حظك نصيبك ,,

المهم ان انا الكريمة قد حطيت طريقتها في موضوع البرفترول ,,~

وهذا الرابط { هون }


وهذي هي الكمية اللي انا سويتها ,,~



حشوة الشكولت هازلنت ..~

المقادير :

200 غ ميلك جوكلت
100 غ دارك شوكلت ( 70 % )
كمية مناسبة من الكريمة ..~



الطريقة :

اوكية على ان ناس كثير متخوفة من الشوكلت الا اني احسة حييل فليكسبل ومرن
سهل التعامل معاه

خصوصا فلطبخ مو في التزيين

ماله داعي تعرفين درجات حرارة معينه وماله داعي التهويل اللي قاعدين يقولون عنه ,,~
مجرد تفهمية وتتعاملين معاه برقة والحياه بتكون حلوة ,,`

يا الله نبدا بسم الله ,,

تسوين حمام مائي ,, شنهو الحمام المائي ?!

عبارة عن جدر عميق تظيفين فية الماي وتخلينه على اعلى درجة حرارة
لما يفور ويطلع بخار تحطين فوقة صحن عشان يكتم البخار الطالع من الماي

وبهالطريقة الصحن يسخن من دون ما يلمس الماي
لان درجة حرارة الماي اعلى بكثيير من درجة حرارة البخار
ودرجة حرارة الماي العالية ما يتحملها الشوكلت وبيتفتت عليج وبيموت > حلفي

لذا من اخطر الاشياء عالشوكلت هو انج تحطين صحن عميق في الماي اللي يفور
ويلامس قاعة الماي ,, غلط غلط غلط
فقط نبي البخار يسخن الصحن ,,~

وهذا هو الموضوع ببساطة ,,

نوعية الصحون اللي تستخدمينا لتذويب الشوكلت تكون يا معدن مثل صحني
يا اما زجاج ,, طبعا معروف ما ينفع بلاستيك ولا بيصير عندنا بلاستيك شوكلت غاناش ههههههه ,,~


* بعد ما يسخن الماي نحط الشوكلت عالصحن بعد ما نكون كسرناه شوي بيدينا
ماله داعي العذاب بانكم تفرمونه ,, الفرم مهم في وصفة ثانية مو هنية ,,~

وبس تحسينه ساح ,, ابتدي ظيفي له الشوكلت شوي شوي
بيتكتل معاج فالبداية ,, بس عادي ما يهم

كملي ظيفي الكريمة شوي شوي ,, وبيرجع قوامها حلو وكريمي من جديد
تقريبا اضفت كوب الى كوب ونص كريمة

ليش ما فية مقدار للكريمة ,, لاني انسانة مزاجية فالشوكلت
مرات احبة ثقيل مرات احبة خفيف ,, فأضل اضيف الكريمة لما اكون راضية ,,~

وخلصنا من الحشوة ,~



ملاحظة : الحشوة ما تسوينها الا لما يكون البسكوت جاهز عشان على طول تصبينه فأكواب البسكوت
لانه لو برد بيصير صعب عليج الصب ,,~


نيجي لاهم شي فالوصفة الا وهو قاعدة التارت او البسكوت ,,~
سهل حييل ,, الطبااخين تفلسفوا زيادة عن اللزوم وخلوا الوصفة تبين اصعب شي فالحياه ,,
اتبعوا اللي بقول لكم علية واظمن لكم نتيجة مبهره ,,~


المقادير :

صفار بيضة ..
1 3/4 كوب طحين جميع الاستعمالات ,,
ربع كوب سكر بودرة ..
185غ زبدة باردة مقطعه صغار ,,
2 م ك ماي باارد



تقريبا 8 حبات فراولة فرش ..~


الطريقة :

يا حلوين يا شطار اشربوا الحليب ,, >> الروااق مشكلة ,,

في الفود البروسيسر اخلطي الطحين بالسكر والزبدة ,,



اخلطيه لين ما يصير مفتت مثل حبات الرمل ,,



وبعدها ظيفي البيضة والماي




وكملي خلط لين تحسينها بدت تتجمع هالشكل ,,



مرات ممكن تحتاجين اكثر من ملعقتين ماي ,,
بس لا تتحمسين وتظيفين اكثر من 3 ملاعق ,, ولا بعدين بتسيح >> تخوفهم

انا بالنسبة لي احتجت 3 ملاعق كبيرة ماي بااااارد ,,


تجمعت العجينة اخذية حطيها بصحن جمعيها بيدج بالخفيف ,, ماله داعي العجن
وغلفيها بنايلون وعالثلاجة نص ساعه ,,



انا قلت ثلاجه مو فريزر ,,

الطريقة الاصلية هي انج تفرزينها لمدة نص ساعه
بس انا لاحظت ان لما افرزها ما اقدر افردها


هدفنا من التبريد هو فقط عشان العجينه تتماسك
بحيث نقدر نفردها بسهولة ونشكلها ,

انا دايما في الميني تارت او الباي ,, اعتمد فالتشكيل على اصابعي
لكن بما انه عيد واظافري طويلة ما ابي اقصها
اعتمدت على طريقة التشكيل بالملعقة الخشبية ,,

انا اساسا اشتريت الصحن مع الملعقة لان الصحن نفسة عاجبني ولا الملعقة الخشبيه ما ابيها
التشكيل بيدي يطلع ارتب بمية مرة ,,~



* الخطوه التالية بعد ما بردت العجينة نفردها على نايلون .. وما بتحتاج اي طحين
بس اذا حسيتيها تلزق معاج ,, رجعيها الثلاجة وهي مفتوحة ,, يعني قصدي وهي مفرودة

افدريها لين ما تبتدي تصير شفافة وتقدرين تشوفين الطاولة اللي تحتها
لان بعدين بتنتفخ وبيكون حجمها مناسب ..~



وبقطاعة دائرية قطعيها .. اكبر عدد ممكن من الدوائر ..



وبعدها غطي المعقة الخشبية في الطحين عشان ما تلزق بالعجين
مثل ما قلت لكم هذي اول مره استخدمها ,, دايما استخدم يدي احسن
بس لما استخدم يدي ما ابرد العجينه ابدا فقط اقطعها صغار بيدي واكورها ..

باذن الله فموضوع ثاني بوريكم الطريقة واايد ارتب ..~



اخذ الدائرة واحطها على حافة الصينية بالضبط وادز اطرافها شوي على داخل
الاولى بعد ما شكلتها بالملعقة والثانية بس دزيت اطرافها ,,~



دخليها بهدوء عشان ما تنشق عليج العجينه ,, ولما توصلين القاع
حاولي تظغطين عليها شوي بالملعقة عشان الاطراف ترتفع ,,~



بعد ما تخلصين منهم كلهم ,, بطرف سكين حاد ,, سوي ثقوب فالقاع وخلصنا
ردي تو جو للفرن ,,~

* الفرن على درجة حرارة 170 c
ما بتحتاج اكثر من ربع ساعه او 17 دقيقة
التحمير من تحت فقط ماااله داعي من فوق ,,~




ّ ملاحظه : الباقي من العجينه بعد التقطيع لا تعجنيه ,, بس اضغطيهم فوق بعض
وارجعي افرديها ,,~




فية مثل يقول باب النجار مخلع
حمرت التارت شوي زياده لاني نسيت اصلا انهم فالفرن
بس ما يضر ستيل لذيذين


* بردتهم عالميتل راك ..
قصدي عالشبك يعني ,,



بعدها حشيتهم بالكريم باستري وبالجوكلت غاناش ,,






شالاخبار ,,؟!










  رد مع اقتباس
قديم 14-11-2011   #7

مرايم ~
« مُشرفة عطورها bath & body " »
« مُشرفة Desserts & Sweets »
 

thnx Rock <3
 
الصورة الرمزية مرايم ~

مرايم ~ غير متواجد حالياً

 رقم العضوية : 27180
 تاريخ التسجيل : 06 2010
 العمر : 23
 الجنس : sex
 المشاركات : 1,752
 تقييمك لشمواهـ : 1
  الشعبيه : مرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـ
 النقاط : 191814
 مجموع الاوسمة 8

فعالية اليوميات الرمضانيه| Ramadan Diary 2012 

Icon37 ضيافة العيد .. ووصفتين من ألذ الوصفات // كب كيك الفستق وتارت الفواكه وأروع من المطاعم






صبرا جميلا آل ياسر ,,~



طيب يا حلوين بقى لنا الغارنيش ,, معناها بالعربي التزيين

بالنسبة للكسترد ما فيه كلام ,, فواكه اكيد ,,
فالعيد اللي طاف سويت لهم بالكيوي والمانجا والفراولة ,, لكن لاحظت ان الكل خلص الفراولة اول
فقررت ما اسوي هالمرة الا الفراولة ,,

اوكيك ,, طبعا الفراولة اذا كان طعمها مو حلو ماله داعي تتعبين نفسج
بتخربين الوصفة وخلاص ,,~

لذا بلييز اختاري فراولة جيده
انا بما ان بيتنا في حي سكاني كله سفارات فعندنا سوبر ماركت كل اغراضة مستورده
من امريكا واوروبا عموما ,, فدايما الاقي عندهم افضل انواع الفراولة وفرش وتجننن ,,~



فية شغلة ثانية لازم تفكرين فيها لما تقررين التزيين بالفواكه
الا وهي شلون تحافظين عالفواكة من التاكسد من الهوا ,,

الاجابة سهله .. جيلاتين ,,
سوي محلول جيلاتين ثقيل = ظرف جيلاتين ساده + نص كوب ماي حار

وادهني فية الفراولة بعد ما تحطينها عالتارت ,,
انا هنية فكرت بشي ثاني يعزز النكهه اكثر ,, هو انه ادهن الفراولة بصوص فراولة ومربى

اقتبست الطريقة من الحلوة القلوب اطفال مع بعض التعديلات اللي تناسبني ,,~



*مقادير صوص الفراولة ,,


نص كوب مربى فراولة ,,
نص كوب مربى توت ,,
ربع كوب سكر ,,
ربع كوب ماء ,,~

تحطينهم عالنار لين يذوب السكر والمربى وشيليه

هالصوص رووعه وتقدرين تستفيدين منه فاكثر من شغلة
وميزته انه تقدرين تحتفظين فية لمده طويلة بالثلاجه
وكل ما احتجتي منه تاخذين شوي ,

* كالعادة احفظة في علبة بلاستيك محكمة الاغلاق
عاد شايفين شقد باقي منه ,, ههههه
كانا متروس بداية الشهر ,,



* تتقطع الفراولة بالشكل اللي تبينه دوائر او حابة مربعات صغيرة
او نص حبة كاملة ,,



انا كنت افكر بالضيوف . كيف ممكن يرتاحون ونص حبة شكبرها فوق التارت
عاد خبركم عيد والكل كاشخ ومحد وده يخرب برستيجه ويفك حلجه ويخرع الناس ,,~



* حطيت مقدار 2 م ك من الصوص ,, ما يحتاج اكثر من هالشكل صدقوني
وخلطت الفراولة معاه



لا تنسون ان المربى كله جيلاتين وبيكون مثل العازل بين الفراولة والهوا ,,~


وزينت فية التارت ,, واووووباااه عالبوكسات والثلاجه طوالي ,,
مثل ما قلت قبل ,, كثيير بيعزز النكهه كونها قعدت فالثلاجه ليله كاملة ,,~





.,’



نيجي للشوكلت غناش تارت ,,


بلا شك بزينها بالبندق ,,
لكني جربت كمن حركه جديده بالكراميل واكتشفت ان الموضوع يبي له وقت
وكان الوقت نص الليل ولازم اروح ارتاح قبل العيد ,,~
فغيرت رايي وحطيت حبة بندق بس ,, لكن حطيت لكم الطريقة تستفيدون منها ,,~



اول شي البندق المحمص ,,~


امووت فالمكسرات ويستحيل تخلص من بيتنا
تلعب دور كبير فحلوياتي ,, ادخلها غصب ههههه ,,~
لكن اذا تبين نكهه مظااعفة انصحج تحمصين المكسرات بنفسج بالبيت ,,
انا حتى صرت اشتريها بقشرتها عشان تكون محتفظة بالنكهه وما تعرضت للهوا ,,~


* يتسخن الفرن من تحت على درجة حرارة 200 C

كل شوي حركية .. لين ما تبتدين تشوفين القشرة قامت تتفتت
وفيها شقوق مثل التصدع ,, شيليها




القشرة سهل جدا تنشال ,, فقط افركيها بين قطعة قماش قطنية
او حتى بين ايدينج الثنتين ,,~

بعض النتف ما راح تنشال بسهولة عااادي خليها وين المشكله ,,~




وخلصنا ,,

المكسرات تتحمص اول باول ,, يعني ما ينفع تحمصين كمية وتخشينها ,,~
الطعم بيفرق حييل ,,

وحده من عماتي داايما تشيل المكسرات من الاكل ,, لكن لما تعرف ان انا اللي محمصته بالبيت
تاكله على طول فديتها ,, لاني اعتني فيهم بحرص >> عيالها مو مكسرات ~



,’



الكرااميل يا حلوين ,,
طريقته هنية تختلف شوي عن اللي قبلها ,,


كوب سكر على مقلاة ثقيلة والنار هاادية ,,



السكر ما تلمسينه بملعقة ابدا الا لما يسيح نهائيا
لما يتحول لللون الذهبي شيليه من النار وابتدي اشتغلي فيه ,,~




الحين نجهز ملعقة معدنية معيارية ,, كلينكس فيه زيت نباتي + السيلكون مات

ندهن ظهر الملعقة بالزيت وناخذ شوكة ونغمسها فالكراميل
ونرسم خطوط عشوائية فوق الملعقة ,,

ونحرص نملي كل الظهر ,,~




خليها ثواني تتماسك وشيليها ,, وكسري الاطراف الزايده

وكرري نفس العمليه ,,~




شكلهم حلو ,, باذن الله بحاول فيوم اكون فاضية اتدرب عالموضوع اكثر
لان التعامل مع الكراميل لازم يكون سريع ,, وانا كنت جدا بطيئة ,~

الشي الاخر قلت بغمس البندق فالكراميل
اسوي حركات فنادق

بس ما حبيت ’’
حسيت اني بحرق يدي ,, غير اني ما قدرت امسك البندق عدل
والكراميل ما كوّن الخط اللي ابيه ,,~

يبي لي تدريب اكثر ,, ~



وعاد ترى ما خليتها بخاطري ,, حطيتهم ههههههه






* وحطيته ببوكس وطوالي عالثلاجه بعد ,,~




أدعوا الله انه يكون الرد الجاي آخر رد ,











  رد مع اقتباس
قديم 14-11-2011   #8

مرايم ~
« مُشرفة عطورها bath & body " »
« مُشرفة Desserts & Sweets »
 

thnx Rock <3
 
الصورة الرمزية مرايم ~

مرايم ~ غير متواجد حالياً

 رقم العضوية : 27180
 تاريخ التسجيل : 06 2010
 العمر : 23
 الجنس : sex
 المشاركات : 1,752
 تقييمك لشمواهـ : 1
  الشعبيه : مرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـ
 النقاط : 191814
 مجموع الاوسمة 8

فعالية اليوميات الرمضانيه| Ramadan Diary 2012 

Icon3 رد: ضيافة العيد .. ووصفتين من ألذ الوصفات // كب كيك الفستق وتارت الفواكه وأروع من الم








الصور النهائيه اخيرا ..











ضيافة بيت ديدة الاولى ..~




بصارحه كنت حييل متأخره ,, ابوي ناطرني فالسياره
شكيت الصورة وطيران ,,~

صحنين انا مسويتهم , وصحن بيتيفور مشكل ,, صحن شوكلت
صحن ميني ساندويش ,,~


* طبعا القهوة القطرية والشاي الاحمر بالنعناع وشاي حليب ,,~






يااا اني هلكت ,, راايحه رااده بالصحون ,, اااه يا قلبي ,,~


بيت ديده الثانية ,,~




حاطين الصواني فوق الطاولة بس طبعا الضيافة تروح للمجلس ,,~
حقيقتا ما صورت كل شي ,, افتشلت من الضيوف

البيت ما رضى يفضى ,,~


* موالح مشكل ,,~



* بقلاوة ,,~



* شي شكله ابدا مو لذيذ ~



* كب كيك مشكل { ماذقته ,, شكل الكريمة خوفني ,, حسيته من اللي شكل من دون طعم }
بس خالاتي يقولون حلو ,,~




باقي واايد اشياء للاسف ما صورتها ,,~


,’



بعطيكم بعض النصايح عشان تتفادون اي اخطاء محتمله ,,

* قرري ايش بتطبخين حلويات قبلها بفتره وتاكدي ان كل المقادير
كاملة فالبيت قبلها بيومين عالاقل ,,~

* حددي مستوى طاقتج وقدرتج ,
هل انتي تقدرين في يوم تخلصين صينيه او صينيتين ؟؟..


* ليلة العيد قررت اني ما بروح الصالون عشان افضى للحلويات
بس حجزت موعد في صالون قريب بيتنا ,, لاظافري وحواجبي الجميله ,,~
والباقي كله سويته لنفسي بالبيت ,,~

* فيه اشياء ممكن تسوينها قبلها بيومين ,, مثل الكريم باستري
صوص الفراولة , بسكويت التارت

* الفراولة لا تشترينها الا نفس اليوم لانها تخرب بسرعه ,,~




خلصت ,,

شكر خاص لنونا عالتوقيع الروعه ,, فديتها ما قصرت عرضت علي هي تركبهم
بس ما رضيت الصور كثيييره ,, ولازم اعتمد على نفسي

ومس قدها فديتها على هالخلفية الرايقة ,, ما قصرتوا ,, وأسفة عالشيسمونه

تعبتكم معاي ادري ,,
اتمنى انكم استفدتوا .. ووليتني اقدر اقدم اكثر من هالشكل ,,




وو عنودي الله لا يحرمني منج يا قلبي ,, { تمووت لو ما جابت طاريها }

تعرفون لما يجيكم احساس انكم من كثر ما تحبون شخص ودكم تطلعون الشارع
تقولون للكل انكم تحبونه ,,!!


هذا هو شعوري الحين ,,~

أحبج عنودي ,,







انطلقوا ~








  رد مع اقتباس
قديم 14-11-2011   #9

Ano0ody Q6R
عضوه طموحه
 
الصورة الرمزية Ano0ody Q6R

Ano0ody Q6R غير متواجد حالياً

 رقم العضوية : 34978
 تاريخ التسجيل : 10 2010
 الجنس : sex
 المكان : "اما قطر فوق والا مالنا خانه"
 المشاركات : 167
 تقييمك لشمواهـ : 1
  الشعبيه : Ano0ody Q6R إنجازاتها يُفخر بهاAno0ody Q6R إنجازاتها يُفخر بهاAno0ody Q6R إنجازاتها يُفخر بهاAno0ody Q6R إنجازاتها يُفخر بهاAno0ody Q6R إنجازاتها يُفخر بهاAno0ody Q6R إنجازاتها يُفخر بهاAno0ody Q6R إنجازاتها يُفخر بهاAno0ody Q6R إنجازاتها يُفخر بهاAno0ody Q6R إنجازاتها يُفخر بهاAno0ody Q6R إنجازاتها يُفخر بهاAno0ody Q6R إنجازاتها يُفخر بها
 النقاط : 4940
 مجموع الاوسمة 1

فائزة بمُسابقة نَظامي صَحي 

افتراضي رد: ضيافة العيد .. ووصفتين من ألذ الوصفات // كب كيك الفستق وتارت الفواكه وأروع من الم

........................................
مساءج الله بالخير حبيبتي فديتج عساج دوم على هاللروقان ياحلوه ..
بما اني انا اكتب الحين فااقول صبحج الله بالخير حبي وصباحي روقان وحدي مستانسه ماعرف ليش هو لاني قاعده اقرا موضوعج والله شكله هاي هو السبب دايما كل مااقرا مواضيه او اكلمج فااحس بشي يخليني احس بالسعاده ..انتي مصدر سعادتي فديتج ربي لايحرمني منج ياروحي

نرجع لموضعج والله قاعده اقرا بسرعه بسرعه بس عشان محد يحذف ردي لاني يمكن تيييني صدمه قلبيه اذا جفت ردي محذوف ..اسم الله علي بلغت اشوي .ههههه
وخبرج تعرفين شغلي كله مراقب فقاعده اكتب لج هالرد وادري ماراح اوصل لج اللي فخاطري واشقد انا مستانسه بهالموووضع .. ومبروك خبي على"مبدع مبتكر " تستاهلين يمكن لو ماخذيتي مبدع مبتكر اروح اكلم ارتوووووس واترجاه تكتب لج مع انه مايستاهل اترج حد لانه موضوع يستاهل اكثر من مبدع مبتكر اذا فيه اكثر من هاللقب جان كتبته لج ياربي انا على هالمبدعه >> الكل يقول ماشاء الله
على طاري انه ينصدوم الناس انج تعرفين تطبخين ..روحي قولي لهم انج طباخه وشيفه ..واللي يقول لج في التقيمات اشدعوه تعرفين هالامور اش جيفينج جاهلة


تدرين وربي اني عاجزه عن الوصف كل مااقرا وصغاتج يدي توقف مااقدر احركها احسها تقول لي وقفي يمكن ماراح نوصفيها الوصف اللي تستاهله يمكن مانوفيها اشقد هي مبدعه يالله يارب احميها من عيونهم يالله يارب ..

قلبي والله اللي احسه فيه الحين ودي اييي لين عندج وااصارخ واقول يالله شهالوصفات الارواع من الخيال تدرين قريت موضوعج من بدايته لي نهايته حت النقط قريتها وكنت اقول نقطه ,فاصله اخاف انسى شي هههه >>مفجوعه ههه
وااايد عجبني مووضعج وااايد تدرين اني كتب لج قصه وانمسحت وربي الدموع في عيني حفه وتنزل من القهر
بعض من مديحي لج لاني قر اللي صار لي انمسح واااااااااي بموت الحقيني بروح المستشفي ههههه
واكثر شي عجبني pistachio brittle دوختني الطريقه اقلبت مخي كنت احسها صعبه لما كنت اجوفها فالنت وماحاولت اسويه فيني نوع من الخوف ,الطريقه رووووعه فيها نوع من الفن المطبخي
وانتي تعرفي اشرايي بالكريمه اموووت فيها اموت عليها اعشقها لو اتم ابلع فيها من الصبح لين فالليل مااراح اشبع بطلب اكثر " ولا تنسين من صنع ايدك وحيت عنيكي"
والتارت انا لين الحين اقولج قدام الملأ ابي اذوقه منج اقدر اسويه بس ابي اذوقه من ايداج قبل


..الصور غنيه عن التعبير كل صوره توضح اشقد الوصفات تيييين..

انا طالعه بس مافيه رجعه هالمره ه مسختها بقولج فالفون اشقد انتي مبدعه فديتج

"أحبـــــــج مرايـــــــــــــم "











مـكـتفـي بـكـ جعـلي ما خلآ ...<3
  رد مع اقتباس
قديم 14-11-2011   #10

Rose Heart
«مُراقبة أمهات وَ براعم" »
« مُراقبة رُوح فَنان »
 

يارب وفقني لما تحب وترضى
 
الصورة الرمزية Rose Heart

Rose Heart غير متواجد حالياً

 رقم العضوية : 3716
 تاريخ التسجيل : 02 2009
 العمر : 34
 الجنس : sex
 المكان : jeddah
 المشاركات : 736
 تقييمك لشمواهـ : 1
  الشعبيه : Rose Heart ماستر الإبداعRose Heart ماستر الإبداعRose Heart ماستر الإبداعRose Heart ماستر الإبداعRose Heart ماستر الإبداعRose Heart ماستر الإبداعRose Heart ماستر الإبداعRose Heart ماستر الإبداعRose Heart ماستر الإبداعRose Heart ماستر الإبداعRose Heart ماستر الإبداع
 النقاط : 72473
 مجموع الاوسمة 5

وَسام الجهود المُميزة لعام 2011 

افتراضي رد: ضيافة العيد .. ووصفتين من ألذ الوصفات // كب كيك الفستق وتارت الفواكه وأروع من الم

ماااااااالك حل يا ست البنات

ايش فيكي على جدة وجو جدة

نيجي لموضوعك الخطييييييير
ما شاء الله عليكي أنا أشهد إنك بالك طويييييييييييييل أنا خلصت البال اللي في العالم كله
أنا اعتبر حالتك مو مسألة انك تعرفي تطبخي أو ما تعرفي
الدعوة هي : الحب و الموهبة و البال الرايق و الأمانة في التجهيز والإعداد وفي النهاية التزيين
قصدي إنه حتى لو في أرقى المطاعم زي ما قلتي يجيكي شكل الطبق يهوس لكن الطعم ما فيه زود أو على قولتك ما ينبلع ليه لأنه الموضوع تجاري بالنسبة لهم
غير لما تسوي الشيء بحب وبأمانة يطلع أكيد مثل ما أبدعته أناملك

مرة ثانية ما شاء الله عليكي الله يحميكي من العين يا قلبي

وطوووغغغوووووووووط > صوت الخلاط



ياني رقعت ضحك شكلهم الجيران قالوا اتهبلت الحرمة تضحك لوحدها


موضوعك كله تحفة ومن جد ماني عارفة ارد على ايه ولا ايه

حبييييييييييت حركة الكراميل

يعني ايش تبغيني أقولك فنانة الله يحميكي بس طول ما أنا أقرأ وأنا حاستك محترة من شيء
ما عليك اللي يقولك ياي شكلك ما تعرفي تطبخي سويه له
وقوليلهم اللي ما يطول العنب

تسلمي يا قمرنا وهني وعافية على قلوبكم ويا بخت أهلك فيكي
ومبروك عليكي مبدع مبتكر تستاهلي كمان وسام إبداع تخطى الحدود>> من راسي
والله يخليلك والدك ووالدتك ويخليلك عنودة ويديم المحبة بينكم












  رد مع اقتباس
إضافة رد

مواقع النشر (المفضلة)

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
من أشهى الوصفات جزيرة الدجاج . bieso2010 أطباق رئيسية | Main Dishes 19 11-09-2012 05:39
تطبيقي لAream وتارت الشوكولا لTop chef وبسبوسه الجالكسي ل loolooy يقين أطباق مجربة 23 29-12-2010 10:56


الساعة الآن 02:46

 


Powered by vBulletin® Version 3.8.7
Copyright ©2000 - 2014, Jelsoft Enterprises Ltd.
Ads Management Version 3.0.1 by Saeed Al-Atwi
جميع المواضيع والآراء تمثّل وجهة نظر كاتبها فقط ولا تمثل منتديات شمواه بأي شكل من الأشكال ما لم يوضّح غير ذلك.
Des By || Artos@shamoa.com

جَميعُ الحُقوق مَحفُوظة لمُنْتديات شَمْواهـ © 2008 - 2012